Transport til Kvalsvikryggen i Havlandet
I juli 2022 kan du bestille transport frå hotellkaia i Fosnavåg sentrum til Kvalsvik hamn med båt kl 10.00 kvar morgon. Du blir henta tilbake med buss eller taxi på ettermiddagen frå Kvalsvik gamle skule.
Kvalsvikryggen er den lettgådde fotturen som går på toppen av dei forrevne klippene som stuper ned mot Atlanterhavet med vakker utsikt mot Runde, Skorpa, Sunnmørsalpane og Svinøy fyr. Fotturen over Kvalsvikryggen går frå Golleneset til Muletua. I juli 2022 kan du kvar dag vere med på båttur til Kvalsvik hamn frå Fosnavåg sentrum før du går turen over Kvalsvikryggen, og vi hentar deg etter turen med buss eller taxi!
Informasjon om fotturen over Kvalsvikryggen
Stien over Kvalsvikryggen går frå Golleneset til Mulevika i Kvalsvika på Nerlandsøy i Herøy Havlandet. Turen er omlag 8,5 km, og den totale stigninga er 448 meter. Dei fleste går turen på rundt 3,5 timar, men rekne god tid - her er det fin utsikt, og du vil sikkert ta mange pauser og mange bilder! Her går dyr ute på beite heile året, så hundar skal haldast i band. Ikkje legg att noko i den sårbare naturen. Ta omsyn til dyr og fuglar, her er det du som er på besøk.
Slik går stien over Kvalsvikryggen
Her kan du lese meir om turen, og sjå fleire bilder og kart. Følg merka sti.